६ कात्तिक, सबै पूर्व गोर्खालीलाई स्थायी बसोबासका लागि आवसीय भिसा दिएपछि १६ हजार भूपू गोर्खा सैनिक बेलायत पुगेका छन् ।
झन्डै २२ हजार अवकाशप्राप्त भूतपूर्व
सैनिकमा आधाभन्दा बढी आवासीय भिसामा बेलायत पुगेको गोर्खा भूतपूर्व सैनिक
संघ (गेसो)ले जानकारी दिएको छ । यसमा अधिकांश पश्चिमाञ्चल क्षेत्रका रहेको
खबर कान्तिपुर दैनिकले छापेको छ । यसरी जानेमा अधिकांश सन् १९९७ अघि र पछि
सेवानिवृत भएका छन् ।
पूर्वी क्षेत्रको तुलनामा पश्चिमाञ्चलका
अधिकांश वृद्धवृद्धा आकर्षक सेवा सुविधाका लागि आवासीय भिसामा बेलायत
पुगेका हुन् । ‘पोखरा र आसपासबाट ९० प्रतिशत भूपू आवसीय भिसामा बेलायत
पुगिसकेका छन्’, गेसोका अध्यक्ष पदमबहादुर गुरुङले भने ‘जानेमा अधिकांश
वृद्धवृद्धा छन् ।’
