२६ अक्टुबर, लिस्वन । पोर्चुगलबाट नेपाली भाषामा प्रकाशित भएको छापा
पत्रिकाको विमोचन भएको छ । बुधबार लिस्वनस्थित अन्नपूर्ण रेष्टुरेण्टमा
´नेपाली वेभ´ नामक छापा पत्रिकाको विमोचन गरिएको छ । नेपाली भाषामा
पाक्षिकरुपमा प्रकाशित हुने उक्त छापा पत्रिका पोर्चुगलमा नेपाली समुदायलाई
लक्षित गरि प्रकाशन गरिएको पत्रिकाका प्रधान सम्पादक कमल विष्टले जानकारी
गराउनुभएको छ ।
विगत लामो समयदेखि पोर्चुगलमा अनलाइन पत्रकारिताको सुरुवात भए पनि छापा पत्रिका भने हालै मात्र प्रकाशन भएको हो ।यसअघि अमेरिका, बेलायत, हङकङ, कतार, मलेसिया लगायतका देशबाट नियमितरुपमा छापा पत्रिकाहरु प्रकाशन हुँदै आएका छन् । पोर्चुगलमा यसअघि बिभिन्न अनलाइनहरु संचालनमा छन् ।

