काठमाडौँ,
कात्तिक ११ । यस बर्षको दशैंको उपलक्ष्यमा तपाईले आफ्ना शुभचिन्तक र
मित्रहरुलाई कति एसएमएस पठाउनु भयो त्यो तपाइलेनै जान्ने कुरा हो । तर
नेपाल टेलिकमले भने साँढे दुई करोडले एसएमएसमार्फत शुभकामना आदान प्रदान
गरेकाको खवर सार्वजनिक गरेको छ ।दशैंको लागी भने र नेपाल टेलिकमले जिएसएम र
मोवाइल आदानप्रदान हुने छोटा सन्देशका लागि छुटको अफर गरेको थियो ।
‘दशैंको मुख्य ४ दिनमा २ करोड चार लाख एसएमएस आदानप्रदान भएको छ,’ जिएसएम
सेवा निर्देशनालय प्रमुख सुरेन्द्र प्रसाद थिकले भन्नुभयो ।एसएमवाट मात्रै
टेलिकमले १ करोड २५ लाख रुपैयाँ कमाएको छ । गत बर्ष दशैंको फूलपाती,
अष्टमी, नवमी र दशमीमा गरी ४ दिनमा जम्मा १ करोड २८ लाख शुभकामना आदान
प्रदान भएको थियो ।
