टर्कीका विश्व विख्यात पियानिस्ट फाजिल
सेविरुद्ध घृणा फैलाएको र मुस्लिम मूल्य मान्यताको अपमान गरेको आरोपमा
मुद्दा चलाइएको छ । उनलाई इस्तानबुलको अदालतमा पेश गरिनेछ । केही ट्वीट
सन्देशलाई लिएर सेविरुद्ध मुद्दा चलाइएको हो । सेले ट्वीटमा कट्टरपन्थी
मुसलमानहरुको मजाक उडाएका छन् । जसमा उनको अपि्रलको एक ट्वीट पनि सामेल छ ।
ट्वीटमा भनिएको-मलाई थाहा छैन, तपाईले महशुस गर्नु भएको छ कि छैन ।
तर, कोही निकम्मा छ, तुच्छ छ, चोर हो वा
मूर्ख छ भने उसंधै इलामी चरमपन्थी हुन्छ ।’ युरोपेली संघका सांस्कृतिक
राजदूत समेत रहेका विश्व विख्यात पियानिस्ट सेले भने घृणा फैलाएको र
मुस्लिम मूल्य मान्यताको अपमान गरेको आरोप अस्वीकार गर्दै आएका छन् ।
अदालतले उनलाई रिहा गर्ने आदेशलाई खारेज गर्दै १८ फेब्रुअरीमा सुनुवाईको
मिति तोकेको छ । अदालतले दोषी ठहर गरे उनलाई १८ महिनासम्म जेल हुनेछ ।
उनलाई निलम्बन सजायको सम्भावना बढी छ । यसको अर्थ दोषी त ठहर हुनेछ तर,
सजायको अवधिमा कुनै पनि कानुन अल्लंघन नगरेकोमा सजाय माफ हुनेछ ।
