बागलुङ,
कात्तिक ११ । पछिल्लो समय पोखरा लगायतका अस्पतालमा बिरामीहरुलाई पठाउने
रिफर केन्द्रकारुपमा बिकसित हुँदै आएको धौलागिरी अञ्चल अस्पताल बागलुङ
अहिले स्वयं डाक्टरबिहीन बनेको छ । दशैँमा घर हिँडेका डाक्टरहरु शुक्रबार
सम्मपनि अस्पतालमा नआईपुग्दा अस्पताल डाक्टरबिहीन बनेको हो । अस्पतालका
सुपरिटेन्डेण्ट डा तरुण पौडेल लगायत डाक्टरहरु श्रीकृष्ण भट्ट, सुर्य हमाल,
जीवन थापा, रोजिन सुवेदी, प्रमोद गौडेल, तृप्ती अधिकारी, आश्वीन श्रेष्ठ
दशैँ मनायन घर हिँडेपछि सेवाग्राही मर्कामा परेका छन् । अस्पतालका प्रमुख
डा पौडेल अन्य सबै डाक्टरलाई बिदा दिएर आफु पनि काठमाडौ गएपछि सेवा
प्रभावित भएको अस्पताल स्रोतले बताएको छ । बडादशै भन्दा अघि दशै मनाउन
गएपछि डाक्टरहरु दुई बर्षे तालिमका लागि आएका डाक्टर रश्मि शर्माले अस्पताल
धानेका छन् । प्रमुख डाक्टर पौडेलले कसलाई निमित्त प्रमुखको जिम्मेवारी
दिएर बाहिर गएको भन्ने बारे आफुलाई जानकारी नभएको डा शर्माले जानकारी दिए ।
धौलागिरी अञ्चल अस्पताल विकास समितिका अध्यक्ष कृष्ण केसीले भने अस्पताल
जस्तो संवेदनशील क्षेत्रमा सबै डाक्टर बिदामा गएर गैर जिम्मेवार कार्य
गरेको बताए । अरु सबैलाई बिदा दिएर प्रमुख आफै बिदामा बस्नु हुदैनथ्यो
केसीको भनाई थियो । उनले डाक्टरहरु अस्पतालको सेवा नै प्रभावित हुनेगरी
बाहिर गएको बारे अध्ययन गरेर आवश्यक कदम चाल्ने प्रतिबद्धता जनाएका छन् ।
