यौन दुर्व्यवहार गर्ने पक्राउ

काभ्रे , कार्तिक २६ - घरमा कोही नभएको मौका छोपेर एक बालिकामाथि जबरजस्ती यौन दुव्र्यवहार गर्नेलाई प्रहरीले पक्राउ गरेको छ । १२ वर्षीया बालिकालाई यौन दुव्र्यवहार गर्ने मेथिनकोट १ का २० वर्षीय पवनकुमार श्रेष्ठलाई प्रहरीले पक्राउ गरेको हो । कात्तिक १२ गते श्रेष्ठले यौन दुव्र्यवहार गरेका थिए । 'बालिकामाथि यौन दुव्र्यवहार गर्नेलाई पक्राउ गरेका छौं,' जिल्ला प्रहरी प्रमुख गीता उप्रेतीले कान्तिपुरसँग भनिन्, 'पक्राउ गरे लगत्तै कानुनी कारबाही अगाडि बढाइसक्यौं ।' प्रहरीले श्रेष्ठलाई जबरजस्ती करणीमा मुद्दा चलाएको छ । बालिकामाथि पुनः यौन दुव्र्यवहार गर्न खोज्दा उनको परिवारले घटनाबारे थाहा पाएका थिए । त्यसपछि दोषीलाई कारबाहीको माग गर्दै परिवारले प्रहरीमा शुक्रबार किटानी जाहेरी निवेदन दर्ता गराए ।

'यौन दुव्र्यवहार गरिसकेपछि अभियुक्तले बालिकालाई कसैलाई भनिस् भने मारिदिन्छु भनेर धम्काएको रहेछ,' उनले भनिन्, 'धम्कीले डराएर घटनाबारे कसैलाई पनि जानकारी नगराएकी रहेछिन् ।'