६ मंसिर, काठमाडौं । सरकारले पठाएको
अध्यादेशहरु संविधान विपरित रोकेर राखेको भन्दै राष्ट्रपति डा. रामवरण
यादवविरुद्ध परेको रिटमा सर्वोच्च अदालतले कारण देखाउ आदेश जारी गरेको छ ।
न्यायाधीश सुशीला कार्कीको इजलासले रिटमा
सुनुवाई गर्दै विपक्षीको नाममा कारण देखाउ आदेश जारी गरेको हो । सर्वोच्चका
प्रवक्ता श्रीकान्त पौडेलले अनललाइनखबरसँग भन्नुभयो-’कारण देखाउ आदेश जारी
भएको छ र रिटलाई अग्राधिकार पनि दिइएको छ । उहाँका अनुसार १५ दिनभित्र
लिखित जवाफ दिन पनि विपक्षीहरुको नाममा आदेश जारी भएको छ ।
सरकारले चारवटा अध्यादेश पठाएको लामो
समयभइसक्दा पनि संविधान अनुसार अनुमादन नगरी आलटाल गरेको भन्दै अधिबक्ता
उद्धवप्रसाद चौलागाईले मंगलबार रिट दायर गर्नु भएको थियो ।रिटमा
राष्ट्रपतिसँगै प्रधानमन्त्री तथा मन्त्रिपरिषद्को कार्यालय र कानुन तथा
न्याय मन्त्रालयलाई पनि विपक्षी बनाइएको छ ।
सरकारले सिफारिस गरेको नेपाल स्वास्थ्य
सेवा चौथो संशोधन अध्यादेश, शिक्षा अध्यादेश, सत्य निरुपण तथा मेलमिलाप
अध्यादेश र केही नेपाल ऐन संशोधन अध्यादेश राष्ट्रपतिले रोकेर राख्नु भएको छ
।
