एक महिलाको हत्या अभियोगमा
निर्दोष नेपाली नागरिक गोविन्दप्रसाद मैनालीलाई १५ बर्षसम्म थुनामा
राखेकोमा जापानी सरकारले औपचारिकरुपमा मैनालीसँग माफी मागेको छ ।
जापानी समाचार संस्था क्योदोका अनुसार
त्यहााका न्यायमन्त्री माकोतो ताकीले शुक्रबार पत्रकार सम्मेलनको आयोजना
गरि भने-’निर्दोष मैनालीलाई १५ बर्षसम्म थुन्नु परेकोका म उहाँसँग माफी
माग्छु ।’ यसअघि टोक्यो उच्च अदालतले आफ्नो १२ बर्ष पुरानो फैसला उल्टाउँदै
मैनालीलाई निर्दोष सावित गरेपनि औपचारिकरुपमा माफी मागिएको थिएन् । मैनाली
र उनका सहयोगी तथा जापान बार एसोसिएसनका प्रतिनिधिले यो घटनामा जापान
सरकारले औपचारिकरुपमा माफी माग्नुपर्ने माग गरेका थिए ।
मैनालीले भने डीएनए परिक्षण नभएको भए आफु जेलभित्रै सड्ने सायद त्यहीं मर्ने अबस्था रहेको बताएका छन् ।
जापानको क्योदो न्यूज एजेन्सी र
अन्तराष्ट्रिय संचारमाध्यमले जापान सरकारले औपचारिकरुपमा माफी मागेको
खवरलाई प्राथमिकताका साथ छापेका छन् । मैनाली पूर्णरुपमा निर्दोष भएको
फैसलापछि अब उनको क्षतिपूर्तिको प्रकृया सुरु हुने छ ।
यता, मैनालीले भने आफुजस्तै अन्यायमा परि
लामो समयसम्म बिदेशी जेलमा बस्न बाध्य नेपालीको उद्दारका लागि काम गर्ने
योजना बनाएका छन् । खासगरि खाडी मुलुकमा त्यस्ता दर्जनौं नेपाली रहकाले
उनीहरुको हितमा काम गर्ने योजना बनाएको मैनालीले बताएका छन् ।
