आज एक बजेपछि पार्टी केन्द्रीय कार्यालय
कुपण्डोलमा हुने बैठकमा अध्यक्ष मोहन वैद्यले प्रस्तुत गर्नुभएको राजनीतिक
प्रतिवेदनमाथि केन्द्रीय सदस्यहरूले राखेको सुझावका आधारमा अध्यक्ष बैद्यले
जवाफ दिने कार्यक्रम रहेको छ । बैद्यले प्रस्तुत गरेको प्रतिवेदनमा नयाँ
जनवादी क्रान्तिको कार्यक्रमसम्बन्धी राजनीतिक प्रस्ताव समावेश गरिएको थियो
। प्रतिवेदनमाथि टिप्पणी गर्दै केन्द्रीय सदस्यहरूले अहिलेको परिस्थितिमा
राष्ट्रियताको आन्दोलनलाई केन्द्रविन्दुमा राखेर पार्टी अगाडि बढ्नुपर्ने,
पार्टीलाई सुदृढीकरण र सशक्त बनाउँदै लैजानुपर्ने र गोलमेचसभाको लागि
पार्टीले प्रभावकारी भूमिका खेल्नुपर्ने धारणा राखेका थिए ।
अध्यक्षले जवाफ दिनु भएपछि बैठक आजै सकिने
र अध्यक्षको प्रतिवेदन अध्ययनका लागि जिल्लास्तरमा पठाइने नेकपा माओवादीले
जनाएको छ । नेकपा माओवादीले पुस २५ गतेदेखि महाधिवेशन गर्ने मिति तय
गरिसकेको छ ।
