काठमाडौ, मंसिर ९ - अर्थमन्त्री वर्षमान पुनले राष्ट्रपति रामवरण यादवले
सहमतीय सरकार निर्माणका लागि दलहरुलाई आव्हान गरेर पूर्वराजा ज्ञानेन्द्र
शाहको निरंकुश शैलीलाई अपनाएको बताएका छन् ।
'ज्ञानेन्द्र शाहले निरंकुशता लाद्दै दलहरुसंग प्रधानमन्त्रीको नाम दिन
आव्हान गर्ने शैली जस्तै राष्ट्रपतिले पनि गर्नुभएको शैली एउटै हो । यो
असंवैधानिक कदम हो,' एनेकपा माओवादी मध्यपुरथिमि नगरपालिका वडा नं ७ देखि
१७ सम्मको वडा सम्मेलन उद्घाटन गर्दै उनले भने, 'ज्ञानेन्द्रले टिके
प्रधानमन्त्री बनाए जस्तै राष्ट्रपतिले पनि टिके सरकार गठन गर्न खोजेको
हुनसक्छ ।'
मोहन वैद्य नेतृत्वको नेकपा-माओवादी, कांग्रेस, एमाले सबै राष्ट्रपतिको टिके हुन खोजेको उनले आरोप लगाए । यी दलहरुले संबिधान बन्न नदिने, चुनाव पनि गर्न नदिने र एमाओवादीलाई एक्ल्याएर यथास्थिति रहेको उनको आरोप छ ।
आफनो पार्टीले राष्ट्रपतिको असंबैधानिक कदमको भण्डाफोर गर्ने उनले बताए । 'राष्ट्रपति, काग्रेस, एमालेले चाहदैमा अब यहाँ केही हुदैन,' पुनले भने, 'राष्ट्रपतिलाई अब अगाडि जान दिँदैनौ ।'
मोहन वैद्य नेतृत्वको नेकपा-माओवादी, कांग्रेस, एमाले सबै राष्ट्रपतिको टिके हुन खोजेको उनले आरोप लगाए । यी दलहरुले संबिधान बन्न नदिने, चुनाव पनि गर्न नदिने र एमाओवादीलाई एक्ल्याएर यथास्थिति रहेको उनको आरोप छ ।
आफनो पार्टीले राष्ट्रपतिको असंबैधानिक कदमको भण्डाफोर गर्ने उनले बताए । 'राष्ट्रपति, काग्रेस, एमालेले चाहदैमा अब यहाँ केही हुदैन,' पुनले भने, 'राष्ट्रपतिलाई अब अगाडि जान दिँदैनौ ।'
