२ पुस, काठमाण्डौं । सहमति कायम गर्न
दलहरुलाई राष्ट्रपतिले दिएको पछिल्लो समयसीमा आज सकिँदैछ । अनौपचारिक
छलफलमा जुटेका दलहरुले आज साँझसम्मा जसरी पनि सहमित गरी छाड्ने प्रतिवद्धता
व्यक्त गरेका छन् । यद्यपी अहिलेसम्म औपचारिक छलफल भने हुन सकेको छैन् ।
सहमति गर्ने आज अन्तिम दिन दलहरुले
औपचारिक छलफल पनि गर्ने तयारी गरेका छन् । आइतबारसम्म भएका अनौपचारीक
छलफलबाट भएको अनौपचारीक सहमतिलाई आज प्रमुख चारशक्तिको बैठकमा छलफल गराई
सहमति गर्ने तयारी दलहरुको रहेको नेकपा माओवादीका प्रवक्ता अग्निप्रसाद
सापकोटाले जानकारी दिनुभयो । साँझसम्मा मधेशी मोर्चा सहित प्रमुख तीन दलको
बैठक बस्ने तयारी भइरहेको सापकोटाले बताउनुभयो । बैठकका लागि प्रचण्डले
संयोजन गरिरहे पनि स्थान र समय तय हुन बाँकी रहेको छ ।
आइतबार एकीकृत नेकपा माओवादी अध्यक्ष
प्रचण्ड, एमाले बरिष्ठ नेता माधवकुमार नेपाल र काङ्ग्रेस महामन्त्री
कृष्णप्रसाद सिटौला बसेर सहमतिको अनौपचारीक मस्यौदा तयार गरेको स्रोतको
दावी छ । बैठकमा एकीकृत माओवादी अध्यक्ष प्रंचण्डले एकीकृत माओवादीले
अपनाएको लचकता र सहमतिका लागि राख्ने अडानका विषयमा पनि छलफल हुने
नेताहरुले बताएका छन् ।
