राष्टपतिसँग भेटवार्ता
१ पुस, काठमाण्डौं । एकीकृत नेकपा माओवादी
अध्यक्ष पुष्पकमल दाहाल प्रचण्डले दलहरुबीच सोमबारसम्म सहमति बन्ने
विश्वास व्यक्त गर्नुभएको छ । राष्ट्रपति डा. रामबरण यादबलाई भेट्न शीतल
निवास पुग्नुभएका अध्यक्ष प्रचण्डले दलहरुबीचको अहिले भईरहेको छलफल र
सहमतिको प्रयासका बारेमा जानकारी गराउँदै भन्नुभयो -’मुलक
भेटमा राष्ट्रपतिले अहिले अनौपचारिक
छलफलमा रहेका दलहरुबीच भएका सहमतिका बारेमा चासो राख्नुभएको थियो । सहमतिको
विकल्प नभएको भन्दै यादबले अब निर्णायक भूमिका खेल्न प्रचण्डलाई आग्रह
गरेको राष्ट्रपति निकट स्रोतले जनाएको छ ।
यसअघि आइतवार विहानै फोरम लोकतान्त्रिकका अध्यक्ष एवम् गृहमन्त्री
विजयकुमार गच्छदारले पनि राष्ट्रपतिसंग भेटवार्ता गर्नु भएको थियो ।
छलफलपछि बाहिरिने क्रममा पत्रकारहरुसंग कुराकानी गर्दै गच्छदारले
राष्ट्रपतिले आफूलाई राष्ट्रिय सहमतिको सरकार निर्माणमा सहयोग गर्न आग्रह
गर्नुभएको वताउनुभयो । राष्ट्रपतिलाई आफूले सहमति निर्माणका लागि सहज
वातावरण बनाउन सक्दो पहल गर्ने आश्वासन दिएको गच्छदारले वताउनुभयो ।गच्छदारले नयाँ निर्वाचनलगायत सबै विषयमा प्याकेजमा सहमति खोजिनुपर्ने वताउनुभयो । सरकार गठन र विवादित सबै विषयमा सहमति जुटाउन थप एक साताको समय लाग्ने गच्छदारले वताउनुभयो ।
