२ पुस, गुल्मी । विवाहको १४ वर्षसम्म एक्लै बस्दै आएकी गुल्मी लिम्घाकी एक दलित महिलाले कुमारी आमा बनेको १४ वर्षपछि अंश पाएकी छ।
लिम्घा गाविस वडा नं १ खोरडाँडा निवासी
वसन्ती सुनारले आफ्ना ससुरा नरबहादुर खप्तरीबाट अंश पाएकी हुन् । १४
वर्षअघि प्रेम सम्बन्धकै क्रममा गर्भधारण भएपछि स्थानीय दीपक खप्तरी उनलाई
घर नभित्रयाइ भागेका थिए । खप्तरी अहिलेसम्म पनि बेखबर छन् ।
खप्तरी भागेपछि अलपत्र परेकी वसन्ती र
उनकी छोरी गीता १२ वर्षसम्म बेवारिसे जस्तै बनेपछि दुई वर्षअघि जिल्ला
अदालत गुल्मीले नाता कायम गर्नुका साथै अंश दिनु भनी फैसला गरेको थियो ।
अदालतले फैसला गरेको दुई वर्षसम्म पनि अंश
दिन आनाकानी गरेका ससुरा नरबहादुरले शुक्रबार जिल्ला मालपोत कार्यालयबाट
विभिन्न ठाउँको चार कित्ता जमिन वसन्तीका नाममा नामसारी गरिदिएको स्थानीय
समाजसेवी झविन्द्र थापाले बताउनुभयो । “चौध वर्षसम्म माइतीमै बसेर अधिकारका
लागि लडेँ, बस्ने बास, खाने गास थिएन” अंश पाएपछि खुसी हुँदै उनले भनिन्-
“अब त थोरै भए पनि छोरीलाई टेकाउने सम्पत्ति पाएकी छु, खुसी लागेको छ ।”
रासस
