ए डिभिजन लिग फुटबलमा मनाङ र एपीएफ भिड्ने

१६ पुस, काठमाडौं । राजधानीमा जारी सहिद स्मारक ए डिभिजन लिग फुटबलमा आज मनाङ र सशस्त्र प्रहरीको एपीएफ क्लब भिड्दैछन् । त्रिपुरेश्वरस्थित दशरथ रंगशालामा दिउँसो साढे २ बजेपछि हुने खेलमा एपीएफले मनाङलाई कडा चुनौती दिने अनुमान गरिएको छ । मनाङलाई उपाधी हाड कायमै राख्न आज जित्नै पर्ने दबाव छ ।

९ खेलबाट १८ अंक जोडेको मनाङ चौथो स्थानमा छ भने लिग लिडर थ्रीस्टारको २० खेलबाट २५ अंक छ । एपीएफ भने ९ अंकका साथ १२ औं स्थानमा छ । त्यसअघि मध्याहृन साढे १२ बजेपछि हुने खेलमा जाउलाखेल र बौद्ध आमनेसामने हुनेछन् । ९ खेलबाट ११ अंक जोडेको जाउलाखेल दशौं स्थानमा छ भने पुछारमा रहेको बौद्धको १ अंक मात्र छ ।