प्रचण्डको निजी सचिवमा ‘सम्धी–ज्वाइँ’

१७ मंसिर, काठमाडौं । एकीकृत नेकपा माओवादीका अध्यक्ष पुष्पकमल दाहाल प्रचण्डको निजी सचिवमा चूडामणि खड्का नियुक्त हुनु भएको छ ।आइतबार बसेको माओवादी केन्द्रीय कार्यालयको बैठकले समिर दहाललाई नेवा राज्य समितिमा सरुवा गर्दै खड्कालाई निजी सचिवको जिम्मेबारी दिइएको हो । महाधिवेशन आयोजक समितिका सदस्य समेत रहेका गोरखा मिरकोटका खड्का माओवादीमा प्रचण्डका ‘सम्धी–ज्वाइँ’ भनेर चिनिन्छ । उनी प्रचण्डका

छोरी–ज्वाइँ रेणु-अर्जुन पाठकका बहिनी शर्मिलाका श्रीमान हुन्गोरखाका चौकी कब्जा गर्ने क्रममा घाइते भएका उनी शारीरिक रुपमा असत्त छन् । ५६ तिर उपचारका लागि भारत गएका उनी शान्ति प्रक्रिया सुरु भएपछि सह-इन्चार्ज बनेर चितवन आएका थिए । इन्चार्ज प्रतिकसँगको विवादपछि गोरखाको सहइन्चार्जको जिम्मेबारी दिइएको थियो । गोरखामा रहँदा उनी पार्टी उपाध्यक्ष बाबुराम भट्टरार्इविरुद्ध खुलेरै लागेका थिए ।

बैठकले बर्तमान सरकारको नेतृत्वमा नै राष्ट्रिय सहमतीय सरकार गठनको पहल गर्ने निर्णय गरेको छ । बैठकमा राष्ट्रपतिले थप्नुभएको समयसीमाभित्र सहमति गर्नका लागि दलहरुबीच प्रस्तुत गर्ने एजेण्डका बिषयमा पनि छलफल भएको बुझिएको छ । सहमतीय सरकार गठनका लागि राष्ट्रपति डा. रामबरण यादवबाट दिइएको समयसीमा सकिन लाग्दासमेत दलहरुबीच सहमतीय सरकारका लागि कुनै ठोस सहमति बन्न नसकेपछि एमाओबादीले आन्तरिक छलफल गरेको हो ।