निमुसंगम घर्ती,९ पुस, दाङ । दाङमा ४० किलो चरेस सहित चार
जना पक्राउ परेका छन् । तुलसीपुर नगरपालिका-५ नयाँ बसपार्कस्थित न्यू केसी
होटलबाट रुकुमका प्रबेश बोहोरा, रोल्पाका लक्ष्मण बिक, प्रेमबहादुर वली र
सेरबहादुर डाँगीलाई ४० किलो चरेस सहित एकीकृत माओबादी निकट वाईसीएलले
नियन्त्रणमा लिएर प्रहरीलाई बुझाएको जिल्ला सचिब सरोज खड्काले जानकारी
दिनुभयो ।
भारत निकासीको तयारी भैरहेको अबस्थामा
वाईसीएलले एक हप्ताको अनुसन्धान पछि चरेस सहित उनिहरुलाई आज बेलुकी
नियन्त्रणमा लिएको खड्काले जानकारी दिनुभयो । घटनाका बारेमा थप अनुसन्धान
भैरहेको र उनिहरुलाई कानुन अनुसार कार्वाही हुने दाङका प्रहरी प्रमुख
लोकेन्द्र मल्लले जानकारी दिनुभयो ।
