आ.व. २०६९/०७० मा एक पटक पनि औषधि नआएपछि
औषधिको अभाव भएको हो । नेपाल सरकार स्वास्थ्य तथा जनसंख्या मन्त्रालयद्वारा
सञ्चालित आयुर्वेदिक स्वास्थ्य केन्द्रमा सरकारले आवश्यकता अनुसार
औषधि
समयमा नपठाउँदा सेवाग्राहीहरु मर्कामा पर्ने गरेका छन् । पहिले प्रत्येक
महिना महिनामा औषधि पठाउने गरेको भएपनि विगत ३ वर्षयता सरकारको लापर्वाहीका
कारण वर्षमा एक पटक मात्र औषधि आउने गरेको त्यसमा पनि यो वर्ष अझैसम्म
औषधि नआएको आयुर्वेदिक स्वास्थ्य केन्द्र रोल्पाका निमित्त कार्यालय प्रमुख
द्वारिका साहले बताउनुभयो ।
स्वास्थ्य केन्द्रमा औषधि नहुँदा
सेवाग्राहीहरु दिनहुँ खाली हात र्फकने गरेका छन् । पछिल्लो समयमा एलोपेथिक
औषधि प्रयोग गरी निको नभएका दिर्घरोगीहरु आयुर्वेदिक औषधितर्फ आकषिर्त
हुँदै आएका छन् । केन्द्रमा आउने बिरामीहरुमा विशेषगरी दिर्घरोगी जस्तै
जन्डीस, चिनीरोग, पत्थरी, दम, आउँ लगायत समस्या भएका बिरामीहरु आउने गरेको
साहले बताउनुभयो । औषधि अभावका कारण केन्द्रमा आउने सेवाग्राहीहरुलाई
पर्याप्त सेवा दिन नसकिएको साहले गुनासो गर्नुभयो । जिल्लामा गत २०६२
सालदेखि सञ्चालनमा आएको आयुर्वेदिक स्वास्थ्यकेन्द्रमा ७ जना कर्मचारीको
दरबन्दी भएपनि हाल ५ मात्र कार्यरत छन् ।
