५ पुस, काठमाण्डौं । काठमाण्डौं
प्याब्सनले १० कक्षाको नेपाली विषयका लागि तयार पारेको प्रश्नपत्रमा १
सयभन्दा बढी त्रुटि फेला परेका छन् ।
पूर्वप्रवेशिका योग्यता परीक्षा २०६९ का
लागि तयार पारिएको नेपाली विषयको प्रश्नपत्रमा १ सय ५ ओटा भाषागत त्रुटि
फेला परेका हुन् । प्याब्सनअन्तर्गत साढे ५ सय विद्यालयका करिब १५ हजार
विद्यार्थीले परीक्षा दिएका थिए ।
विद्यार्थीको योग्यता मापन गर्न लिइएको
नेपाली विषयको प्रश्नपत्रमा गम्भिर त्रुटि हुँदा विद्यार्थी र अभिभावक
अन्योलमा परेका छन् । ‘विद्यार्थीलाई शुद्ध भाषा सिकाउने शिक्षकले नै
प्रश्नपत्र निर्माणमा गम्भीर लापरबाही गर्छन भने विद्यार्थीले नेपाली भाषको
कस्तो सिकाई गर्लान ?’ एक अभिभावकले भने ।
प्याब्सनले तयार पारेको समूह ‘क’ को चार
पृष्ठ लामो प्रश्नपत्रमा सामान्इ शब्दमा समेत भाषिक त्रुटि छ राजधानी
दैनिकमा खबर छ । प्रश्नपत्रको सुरुमै शुद्ध, स्पष्ट र मौलिक उत्तर लेख्न
निर्देशन गरिएको छ तर सोही प्रश्नपत्रमा १ सय ५ ओटा त्रुटि रहेको देखिएको छ
।
