१७ पुस, क्वालालम्पुर । लागु पदार्थ
कारोबारमा संलग्न भएको अभियोगमा मलेसियामा मृत्युदण्डको सजाय सुनाईएका
नुवाकोटका हरिवहादुर घलेकी वहिनी यतिखेर दाजुको मुख हेर्न मलेसिया पुगेकी
छिन् ।रोजगारीका लागि मलेसिया पुगेका घले नेपाल र्फकने क्रममा ९ बर्षअघि
पक्राउ परेका थिए । त्यसयता जेलमा बसेर मुद्दा लडिरहेका घलेलाई केही
बर्षअघि मलेसियाको सर्वोच्च अदालतले मृत्युदण्ड सुनाएको थियो ।
घलेलाई बचाउन गरिएका सवै प्रयत्न असफल
भएपछि निरास भएका परिवारका सदस्यहरु भावबिहल अबस्थामा छन् । मृत्युदण्ड नै
दिने सम्भावना बढि रहेको अबस्थामा बहिनी सरला घले यतिखेर क्वालालम्पुरमा
दाजुलाई भेट्ने याचना गर्दै हिडीरहेकी छिन् ।सोमवार उनले नेपाली दुतावास
क्वालालम्पुरमा दाजुलाई भेटाईदिन अनुरोध गर्दै निवेदन दिएकी छिन् । निवेदन
लिएपछि मलेसियाका लागि कार्यवाहक राजदुत लेखनाथ भटटराईले आफुले भेटघाटको
लागि तत्काल पहल गर्ने बताउँदै सरलालाई सन्त्वना दिनुभयो ।
लागुपदार्थ तस्करीको अभियोगमा सन् २००३ मे
३० तारिखका दिन हरि घले क्वालालम्पुरको एक होटलवाट पक्राउ परेका थिए ।
करीव ९ वर्ष पछाडि घलेलाई असोज १० गते मलेसियाको सर्वाैच्च अदालतले
मृत्युदण्डको सजाय सुनाएको थियो ।मृत्यु दण्डको फैसला सुनाएपछि जीवन रक्षा
गरिदिन नेपाल सरकारले मलेसिया सरकारलाई पत्र पठाईसकेको छ । प्रधानमन्त्री
डा.वावुराम भट्टराईले मलेसियाली समकक्षी मोहम्मद नाजीअव्दुल रजकलाई पत्र
लेखेर सजायँ माफ गरिदिन आग्रह गरेपनि अहिलेसम्म मलेसियाले त्यसको जवाफ
फर्काएको छैन् ।
त्यसअघि नेपाली दूतावासले लामो समयसम्म
वकिल राखेर घलेको पक्षमा मुद्दा लडेको थियो । सन् २०११ मा पनि दूतावासले ३९
हजार रिंगेट सहयोग संकलन गरेरै मुद्दा लड्न वकिल नियुक्त गरेको थियो । तर
मलेसियाका सवैजसो अदालतले उनलाई मृत्युदण्डको फैसला हुने सजायँ सुनाएपछि अब
घलेलाई बचाउन कठिन भएको छ । सजायँ माफीको अन्तिम प्रयासको पनि जवाफ आउन
सकेको छैन् ।
भताभुंग परिवार
घले प्रक्रमउ परेको खवर सुनेर चिन्तित
वनेका उनका बाबुको केहि समयपछि नै ज्यान गएको थियो । छोराकै बाटो
हेर्दाहेर्दै आमाले पनि प्राण त्यागिन भने अर्की बहिनीको पनि मृत्यु भयो ।
बिहे गरेर मलेसिया पुगेका घले पक्राउ परेको खवर सुनेपछि श्रीमती पनि सानी
छोरीलाई छाडेर अर्कैसँग बिहे गरेर गइन् । अहिले उनकी १३ बषिर्य छोरी झरना
त्रिसुलीस्थित मावलीको शरणमा छिन् । अहिले घलेको परिवारमा ८६ वषिर्य हजुर
वुवाधनवहादुर घले गाउमै छन । हजुरआमा आशामाया घले, भाई टेकवहादुर घले,
भाईवुहारी सन्जु घले काठमाण्डौमा वस्दै आएका छन 
