विजयसिँह भारती
पुस, प्यूठान । छुरा प्रहारबाट
प्यूठानमा गएराति एक युवाको मृत्यु भएको छ । प्यूठानको पुजालिवासे इलाका
प्रहरी कार्यालयदेखि करिव दुई सय मिटर नजिक भएको छुरा प्रहारबाट प्यूठान
खुङ-४ निवासी २३ वर्षका विज्ञान के.सी.को मृत्यु भएको हो । मोटरसाइकलमा
सवार के.सी. छुराप्रहारबाट घाइते भएपछि जिल्ला
अस्पताल विजुवार लैजाँदै
गर्दा बाटैमा मृत्यु भएको स्थानीय हेरम शर्माले जानकारी दिनुभयो ।
मोटरसाकलमा सवार अर्का एक युवा रमेश मल्ल
गम्भिर घाइते भएका छन् । घटनाको कारण खुल्न सकेको छैन् । चक्कुसहित दुई
युवालाई स्थानीयको सहयोगमा पक्राउ गरिएको घाइते रमेश मल्लले जानकारी
दिनुभयो । प्यूठान लिवाङ ६ का शंकर वि.क. र सोहि ठाँउका शिव वि.क.लाई
प्रहरीले पक्राउ गरी जिल्ला कार्यालय खलंगा पठाएको छ । घटनाको अनुसन्धान
भैरहेको घटनास्थलमा खटिएका प्रहरी निरिक्षक मित्रमन्धु शर्माले बताउनुभयो ।
