१४ पुस, काठमाण्डौ । राजधानीमा जारी सहिद
स्मारक ए डिभिजन लिग फुटबलमा न्यूरोड टिम एनआरटीले नेपाल पुलिस क्लबलाई
बराबरीमा रोकेको छ । खेलको १० औँ मिनेटमा नै विदेशी खेलाडी सुलेमानले गोल
गर्दै एनआरटीलाई अग्रता दिलाए । तर एनआरटीले त्यो अग्रतालाई ८ मिनेटपनि
जोगाउन सकेन । पहिलो हाफकै १८ औँ मिनेटमा सुमन सुवेदीले गोल गर्दै पुलिसलाई
एक-एकको वरावरीमा ल्याए ।
खेलमा खवै टोलीले गोलका केही सुन्दर मौका
गुमाएका थिए । बरावरीसंगै एनआरटी १० खेलमा ४ जित, ४ वरावरी र २ हारसंगै १६
अंकका साथ लिग तालिकाको पाँचौ स्थानमा उक्लिएको छ । एनआरटीसंग समान अंक
भएपनि गोल अन्तरका आधारमा संकटा एकस्थान तल झरेको छ भने पुलिस ३ जित, ४
वरावरी र ३ हारसंगै १३ अंकका साथ आठौँ स्थानमै यथावत छ ।
