विकास वोर्डको अध्यक्ष बन्नका
लागि नायिका रेखा थापाले केही समयअघि एकीकृत माओवादी अध्यक्ष प्रचण्डदेखि
प्रधानमन्त्री डा. बाबुराम भट्टराईसम्मलाई भेटिन् । तर, रेखाको नाम
मन्त्रिपरिषद्को बैठकमा कहिल्यै पुगेन । यतिबेला आएर चलचित्र विकास बोर्डमा
नायिका थापाको लबिङ चलिरहेकै बेला अर्का एक निर्माताको नाम एकाएक अगाडि
आएको छ ।चलचित्र
नाईन ओक्लकका निर्माता रमेश संवेदना चलचित्र विकास बोर्डको अध्यक्ष हुने
चर्चाले सिनेमा बजार तातेको छ । बोर्डको अध्यक्ष बन्ने खबरबारे संवेदनासँग
बुझ्दा उनले आफुलाई कुनै खबर नभएको बताए । तर, डेढ महिनाअघि आफुले फिल्म
सिटी निर्माण गर्ने योजनासहित बायोडाटा बुझाएको उनले बताए । संवेदनाले भने,
फिल्म सिटी निर्माणका लागि एक मेरा कोरियन साथी इच्छुक छन् । उनले
बोर्डसँग मिलेर फिल्म सिटी निर्माण गरिदिने बताएका छन् ।’ आफुले उनको
नामसहित फिल्म सिटीको अवधारणा प्रस्तुत गर्दै बायोडाटा बुझाएको संवेदनाले
बताए । आफु बोर्डको अध्यक्ष बनेमा डेढ अर्ब लगानीमा फिल्म सिटी निर्माण
गरिदिने उनको भनाइ छ ।
सरकार ढल्नुअघि बस्ने मन्त्रिपरिषद्को
बैठकमा संवेदनाको नाम सिफारिश गर्ने तयारी सञ्चारमन्त्री राजकिशोर यादवले
गरेको स्रोतको भनाइ छ । चलचित्र विकास बोर्डको अध्यक्षमा रमेश संवेदनाको
नाम सिफारिश भएको खबरसँगै सिनेमा नगरीमा हलचल मच्चिएको छ ।
फेसबुकबाटै रेखाको विरोध
बिकास बोर्डको अध्यक्ष बन्न दौडधुप गरेकी
नायिका रेखा थापाले फेसबुकमा लेखेकी छिन्, गैह्र चलचित्रकर्मी आउदा मौन
हुन्छन् हाम्रा चलचित्रकर्मी । चलचित्रकर्मीको नाम आउँदा विरोध गर्छन् ।
