१९ मंसिर, काठमाडौं । विशेष अदालतले
सम्पत्ति शुद्धीकरण मुद्दामा चिनियाँ नागरिक ली जिउ लीनलाई दोषी ठहर गर्दै
आज १ एक वर्ष कैद र २१ लाखभन्दा बढी जारिवानासहितको सजायँ सुनाएको छ ।
अध्यक्ष न्यायाधीश गौरीबहादुर कार्की,
सदस्यद्धय न्यायाधीश ओमप्रकाश मिश्र र केदारप्रसाद चालिसेको इजलासले लीनले
स्रोत नखुलेको २१ लाख २५ हजार आफूसंग राखी सम्पत्ति शुद्धीकरण (निवारण) ऐन,
२०६४
को दफा ३ को कसूर गरेको ठहर गरेको हो । अदालतले १ एक वर्ष कैद र २१
लाख २५ हजार जरिवानाको साथै लीनका साथबाट बरामद २२ लाख ५० हजारमध्ये २१ लाख
२५ हजार र २१ लाख मोलिएको जापानी निसान स्टेशन वाइगन जीप गाडी जफत गर्न
भनेको छ । उनले खाद्य संस्थानको ३६ रोपनी जग्गा लिजमा लिएर र्फम खोली
तरकारी र माछा खेती गरेको देखिएकाले बराममदध्ये १ लाख २५ हजार आफ्नै
कारोबारबाट आर्जन गरेको देखिएको फैसला उल्लेख छ ।
चिनियाँ नागरिक लीनले २१ लाख २५ हजार
आफूले गोविन्दबहादुर साहीबाट सापटी लिएको दाबी गरेका थिए । जिल्ला वन
कार्यालय काठमाडौं, प्रहरी प्रधान कार्यालय, केन्द्रीय अनुसन्धान ब्यूरो र
सम्पत्ति शुद्धीकरण अनुसन्धान विभागको संयुक्त टोलीले लीनको निवासमा
खानतलासी गर्दा यार्चागुम्बा लगायत वन पैदावर, गाडी र नगद २२ लाख ५० हजार
बरामद गरेको थियो ।
यसअघि वनसम्बन्धी मुद्दामा जिल्ला वन
कार्यालय काठमाडौले चिनिया नागरिक लीनलाई १० दिन कैद र १ हजार ५ सय ११
रुपैयाँ ५५ पैसा जरिवाना गर्ने फैसला सुनाइसकेको छ ।
