२७ मंसिर, काठमाडौं । राजधानीमा जारी सहिद
स्मारक ए डिभिजन लिग फुटबलमा डिफेण्डिङ च्याम्पिनय नेपाल पुलिसले दोस्रो
जित हात पारेको छ ।
बुधबार भएको छैटौं खेलमा पुलिसले बौद्ध
क्लबलाई २-० ले पराजित गरेको हो । जितपछि ६ खेलबाट ७ अंकका साथ नवौं
स्थानमा उक्लिएको छ भने अंकविहीन बौद्ध पुछारमा छ ।
दशरथ रंगशारामा भएको खेलमा पुलिसले २० औं
मिनेटमा सुमन सुवेदीको गोलबाट अग्रता लिएको थियो । बौद्धले फर्कने प्रयास
गरेपनि नसकिरहेका बेला खेलको अन्तिम मिनेटमा भोला सिलबालले गोल गर्दै
पुलिसलाई २-० को महत्वपूर्ण जित दिलाए ।अर्को खेलमा सशस्त्र प्रहरीको एपीएफले
बाँसबारीलाई ४-० गोल अन्तरले पराजित गरेको छ । एपीएफले चारै गोल पहिलो
हापमा परेको हो । खेलको ७ औं मिनेटमा श्याम नेपालीको गोलबाट अग्रता दिएको
एपीएफका लागि ३१ औं मिनेटमा सन्तोष श्रेष्ठले गोल गरे । ३६ औं मिनेटमा टोप
विष्टले अग्रता तेब्बर पारे भने पहिलो हालको अन्त्यमा राजेन्द्र रावलले
एपीएफका लागि चौथो गोल गरे ।
जितपछि ६ खेलबाट ९ अंक जोडेको एपीएफ पाँचौं स्थानमा उब्लिएको छ भने बाँसबारी १ अंकका साथ पुछारबाट दोस्रो स्थानमा छ ।
