आफ्नो बस्तीमा नआएकोमा गुनासो
४ पुस, दाङ । चारदल बाहेकका अन्य दलले
आफूहरुलाई बेवास्ता भएको भनिरहेका बेला दाङका राउटेहरुले प्रधानमन्त्री डा
बाबुराम भट्टराई आफूहरुको बस्तीमा नआएको भन्दै गुनासो गरेका छन् । उनीहरुले
विभिन्न जातजातीका वस्तीहरुमा महिनाको अन्तिम शुक्रवार रात विताउन गएपनि
प्रधानमन्त्रीले आफुहरुलाई उपेक्षा गरेको भन्दै दुःख ब्यक्त गरेका छन् ।
राउटेका मुखिया प्रकाश शाहीले
प्रधानमन्त्री डा. बाबुराम भट्टराई आफ्नो वस्तीमा नआएको भन्दै गुनासो गरे
। पहिलो पटक साक्षात्कारमा आफ्नो परम्परागत पोशाक सहित रिपोर्टर्स क्लव
नेपाल दाङ शाखाले वुधवार विहान दाङको घोराहीमा आयोजना गरेको साक्षात्कारमा
सहभागी राउटेहरुले समयमै भत्ता नपाएको गुनासो गरेका हुन् । कार्यक्रममा
प्रमुख अतिथि बनेका राउटेका मुखिया शाहीले प्रधानमन्त्री र राष्ट्रपतिलाई
आफ्नो वस्तीमा आउन आग्रह गरे ।
उनीले आफ्नो बस्तीमा आएर अन्य जनता झै
आफूहरुले पाएको दुःख कष्ट बुझ्न आग्रह गरेका गरे । प्रधानमन्त्री आफ्नो
बस्तीमा आएपछि आफ्नो भत्ता बढ्ने राउटेहरुले आशा पनि गरेका छन् । बस्ती
आएका प्रधानमन्त्री तथा अन्य नेताहरुलाई आफूहरुले खाँदै आएको खानेकुरा
खुवाउने पनि शाहीले बताए ।
