समसामयिक
राजनीतिमा दलका नेताहरु र प्रधानमन्त्री स्वयंमले विदेशीको ‘लाईन’ खोज्ने
गरेको अनुभव सुनाउँदै श्रेष्ठले मंगलबार केही
सञ्चारकर्मीसँग कुराकानी
गर्दै भने ‘पछिल्लो समयमा दलका नेता आफूहरुबीच छलफल भइरहेको अवस्थामै
‘लाइन’ खोज्छन् । आफ्नो निर्णय के हो कसैले भन्दैनन् । शीर्ष नेताहरुको
बैठकमा हाम्रो कुरा होइन्, कुन विदेशीले के भन्यो भन्ने विषयमा छलफल
हुन्छ,’ परराष्ट्रमन्त्री समेत रहेका श्रेष्ठले भने अन्नपूर्ण पोष्ट
दैनिकमा खबर छ ।
राष्ट्रप्रमुखले नै कूटनीतिक आचारसंहिता
उल्लंघन गरेको गुनासो पनि श्रेष्ठले गरे । उनले भने, ‘भर्खरै नेपाल भ्रमण
सकेका भारतीय नेता करण सिंहलाई सरकारले गरेको सम्मानबारे परराष्ट्र पूरै
अनभिज्ञ छ । त्यस्तै राष्ट्रपति र प्रधानमन्त्रीले काठमाण्डौंमा रहेका
विदेशी राजदूतसँग पटकपटक भेट गर्छन तर मलाई थाहै हुँदैन् । त्यसैले सरकार
छोड्छु नै, पार्टी राजनीति पनि गर्ने कि नगर्ने भन्ने दोधारमा छु ।’
