रसिद काटेरै ढुकुटी कारोबार

१ माघ, काठमाण्डौं । नियामक निकायले नियन्त्रण गर्न खोजे पनि ढुकुटीमार्फत वित्तीय कारोबार भने झनै फस्टाएको छ । बैंक तथा वित्तीय संस्थाबाहेक अरु जुनसुकै माध्यमबाट वित्तीय कारोबार गर्न राष्ट्रबैंकले प्रतिवन्ध लागए पनि अहिले रसिद काटेरै यस्तो कारोबार भइरहेको छ ।

ढुकुटी कारोबारकै कारण मानिसहरुले आत्महत्या गर्ने क्रम बढे पनि हिजो आज रसिदकै प्रयोग गरी खुलेआम ढुकुटी खेल्न थालिएको खबर कारोबार दैनिकले छापेको छ । बैंक तथा वित्तीय संस्थाबाट ऋण नपाइनु र सहकारी संस्थाले पनि ऋण दिन आनाकानी गर्नुले खुलेआम ढुकुटी कारोबार बढेको राष्ट्र बैंकका प्रवक्ता भाष्करमणि ज्ञवालीले बताएका छन् ।

‘ढुकुटी खेल्नु/खेलाउनु दुवै गैरकानुनी हुन्’ ज्ञवालीले भने ‘यस्तो कारोबारमा कोही पनि आकषिर्त हुनु हुँदैन्, कसैले ढुकुटी खेलाएर ठगी गर्न खोज्छ भने नजिकको प्रहरीलाई खबर गरी सर्वसाधारणले पनि सहयोग गर्नुपर्छ ।’