२१ पुस, पोखरा । नेपाली काँग्रेसका उपसभापति रामचन्द्र पौडेलले
राष्ट्रपतिले संविधानको पुस्तक पूजा गरेर बस्न नमिल्ने बताउनु भएको छ ।नेपाल निजामती कर्मचारी युनियन पश्चिमाञ्चल क्षेत्रीय भेलाको शनिबार पोखरामा उद्घाटन गर्दै पौडेलले राष्ट्र अस्तव्यस्त भएको बेला संविधानको संरक्षक भनेर पूजा गरेर बस्न उचित नहुने बताउनु भयो । राष्ट्रपति डा. रामवरण यादवले अब संसदीय प्रणालीको मान्यताअनुरुप अब नयाँ प्रधानमन्त्री दिनु पर्ने उहाँको भनाई थियो ।
संसद् नभएको बेला राष्ट्रपति मात्रै देशको एउटा आशाको केन्द्र रहेको भन्दै उहाँले कसैले पनि बोल्ने ठाउँ नराखीकन राष्ट्रपतिका विशेषज्ञहरुले छलफल गरेर अघि बढ्नु पर्ने बताउनु भयो ।
संविधानसभा विघटन गर्न हतार भयो तर, प्रधानमन्त्री डा. बाबुराम भट्टराई हटाउन कसैको पनि हतार गरेनन् भन्दै उपसभापति पौडेलले संसद् छँदै भट्टराईलाई हटाउन केहीले असहयोग गरेको भन्दै गुनासो पोख्नुभयो ।
