बालिकालाई बलात्कार गर्ने युवक प्रहरी नियन्त्रणमा

सन्तोष सिंह, सर्लाही, पुस २९- पाँच वर्षीय बालिकालाई बलात्कार गर्ने युवाकलाई प्रहरीले पक्राउ गरि कारवाही थालेको छ। सर्लाही हरिपुरका स्थानीय १७ वर्षीय युवकले आफ्नै घरमा बालिकालाई ल्याएर बलात्कार गरेको प्रहरीले जनाएको छ।

बलातकार गरेको आरोपमा विकलाई पक्रउ गरिएको इलाका प्रहरी कार्यालय हरिपुरका प्रहरी निरीक्षक मकेन्द्र मिश्रले बताए। शनिबार साँझ ५ बजे आफनै घरमा बोलाएर विकले बालिकालाई बलात्कार गरेको उनले बताए। 'जानकारी आउन साथ घटना स्थाल पुगेर प्रहरीले युवक र बालिकालाई प्रहरीले नियन्त्रणमा लिए,' उनले भने, 'शनिबार साँझ नै दुवै जनालाई मलंगवामा स्वास्थ्य परीक्षण गरिएको छ। स्वाथ्य परिक्षण रिपोर्ट आउन बाँकी छ।'

पीडित पक्षले आइतबारै जाहेरी दिएपछि विकलाई अदालतबाट म्याद थप गराई कारबाही अगाडि बढाइएको प्रहरी निरीक्षक मिश्रले बताए। विक र बालिकालाई इलाका प्रहरी कार्यालय हरिपुरमा राखिएको छ।