बैठकले कृष्ण सेन ‘इच्छुक’ लगायत २४ जना पत्रकारहरुको हत्यामा संलग्न व्यक्तिहरुमाथि कडा कानूनी कार्वाही गर्न सरकारसँग माग गरेको छ । यस्तै
मिलन नेपाली, चित्रनारायण श्रेष्ठ र राजेन्द्र ढकाल लगायतका पत्रकारहरु वेपत्ता पार्ने कार्यमा संलग्नहरुलाई कार्वाही गर्न गर्न संघले माग गरेको छ । संघका संयोजक गोविन्द आचार्यको अध्यक्षतामा बसेको बैठकले सत्य निरुपण तथा मेलमिलाप आयोग गठनसम्बन्धी अध्यादेश तत्काल जारी गर्न राष्ट्रपति रामवरण यादवको ध्यानाकर्षण गराएको छ । शितलनिवासमा रोकिएको अध्यादेश तत्काल जारी गरी सत्य निरुपण तथा मेलमिलाप आयोग गठनको ढोका खोल्न संघले राष्ट्रपतिलाई आग्रह गरेको छ । साथै संघले माघ २ गते नै राष्ट्रपतिसमक्ष ज्ञापनपत्र पेश गर्ने निर्णय गरेको छ ।
