काठमाडौं, पुस २७- सरकारका दुई मन्त्रीले
प्रधानमन्त्री तथा मन्त्रिपरिषद् कार्यालयमा पेस गरेको सम्पत्ति विवरण
प्राप्त भएको छ। सोअनुसार भौतिक योजना, निर्माण तथा यातायात
व्यवस्थामन्त्री हृदयेश त्रिपाठीका पत्नी शोभा र पिता हरिशङ्करको नाममा
ललितपुर र नवलपरासीमा घर र जग्गा तथा सुनचाँदी, वित्तीय संस्थामा रकम र
सेयर, ऋण तथा एक एक गाडी र स्कुटी तथा तीन गाई, एक जोड गोरु र दुई भैंसी
छन्।
त्यसैगरी स्वास्थ्य तथा जनसङ्ख्यामन्त्री राजेन्द्र महतोसँग काठमाडौं,
सर्लाही र धनुषामा घर र जग्गा, सुन ९५ तोला र चाँदी तीन किलो, बैंकहरुमा
करिब रु सात लाख मौज्दात रकम, सेयर, एक गाडी तथा पाँच भैंसी र तीन गाई
रहेको जनाइएको छ। रासस
