९ माघ,
सिन्धुली । एकीकृत नेकपा माओवादीका अध्यक्ष पुष्पकमल दाहाल प्रचण्डले
पार्टीबाट छुटि्टएर गएका मोहन बैद्य किरणलाई मिनी मोहन विक्रमको संज्ञा
समेत दिनु भएको छ ।
एमाओवादी सिन्धुलीको एकताको चौथो
अधिवेशनलाई मंगलबार सदरमुकाममा सम्वोधन गर्दै प्रचण्डले नेकपा-माओवादीका
अध्यक्ष वैद्य र मसालका महामन्त्री मोहन बिक्रम सिंहलाई एकै दर्जामा
राख्नुभयो । उहाँले वोल्ने मात्रै तर, काम नगर्नेहरुको मुलुकमा कुनै
औचित्य
नभएको बताउनु भयो ।
माघ २० गतेबाट सुरु हुने महाधिवेशनपछि
एमाओवादी नयाँ विचार र योजनाका साथ जनताका सामु उपस्थित हुने भन्दै
प्रचण्डले क्रान्तिले ढिलो चाँडो परिवर्तन ल्याएरै छाड्ने बताउनु भयो ।
यसअघि ताप्लेजुङ जिल्ला अधिवेशनलाई
सम्बोधन गर्दै प्रचण्डले प्रतिक्रियावादी तथा प्रतिगामीहरुले एमाओवादीलाई
चौतर्फी घेराबन्दीमा पार्ने र सिध्याउने षड्यन्त्र गरेको बताउनु भएको थियो ।
आˆनो पार्टीको नेतृत्वमा सरकार भइरहेको बेला बेलायतमा नेपाली सेनाको
अधिकृतलाई पक्राउ गर्नु र दैलेखमा डेकेन्द्रराज थापा घटनाका आरोपीलाई
पक्राउ गर्नु उसको सुरुवात भएको उहाँको भनाई थियो । ‘द्वन्द्वकालको घटनालाई
लिएर शान्ति सम्झौता भाँडि्न खोजिँदैछ, माओवादीलाई सिध्याउन यसो गरिँदैछ
तर, नाङ्लो ठटाउँदैमा हात्ती तर्सिँदैन ।’ प्रचण्डले भन्नुभयो ।
प्रचण्ड नै अध्यक्ष हुन्छन्ः बाबुराम
सभामा एमाओवादी उपाध्यक्ष एवं
प्रधानमन्त्री डा. बाबुराम भट्टराईले पार्टीको महाधिवेशनले प्रचण्डलाई नै
अध्यक्ष बनाउने बताउनु भयो । निर्वाचन नभएसम्म सरकार परिवर्तन सम्भव नभएको
भन्दै उहाँले आगामी जेठ १५ गते नयाँ निर्वाचन गराउन सरकार लागि परेको
उल्लेख गर्नुभयो ।
