आगो ताप्दा एक वृद्धाको मृत्यु

१६ पुस, पर्वत । आगो ताप्नेक्रममा जलेर पर्वतमा एक बृद्धाको मृत्यु भएको छ । आगो ताप्लै गर्दा शरिरमा सल्किएको आगोले गम्भिर घाइते भएका पर्वतको लेखफाँट ५ ठूलाचौर बस्ने ९६ बषिर्या दमीकला पौडेलको उपचारका क्रममा मृत्यु भएको हो ।

परिवारमा छुट्टै कोठामा वस्दै आउनुभएकी पौडेल बेलुका ८ बजेतिर आगो ताप्दै गर्दा आगो सल्किएको र राम्रोसँग आखाँ नदेख्ने हुनाले थाहा पाउन नसक्दा कोठामा रहेको आगो बाल्ने भुस र दाउरासँगै आगो सल्किएको परिवारले थाहा पाएपछि गाँउलेलाई खवर गरी आगो नियन्त्रण लिइएको थियो ।

घाइते पौडेलको लेखफाँट उपस्वास्थ्य चौकिमा उपचार गर्दागर्दै राति ११ बजे मृत्यु भएको पारिवारिक श्रोतले जनाएको छ ।